Paulus vergelyk ons verhouding met die Vader met die van ‘n atleet wat aan ‘n wedloop deelneem. Heb 12.1 Dit is krities belangrik om seker te maak dat jy wel aan die wedloop deelneem en nie dalk slegs ‘n toeskouer is nie. ‘n Toeskouer gaan nooit die ekstase / joy /heerlikheid beleef van dit wat opgesluit is in die intieme verhouding met die Vader nie. Om deel te word van die wedloop beteken om te proe en te smaak en te eet van die Lewende Brood. Joh 6: 53-54 - En Jesus sê vir hulle: Voorwaar, voorwaar Ek sê vir julle, as julle nie die vlees van die Seun van die mens eet en sy bloed drink nie, het julle geen lewe in julleself nie. Hy wat My vlees eet en My bloed drink, het die ewige lewe. Hoe eet en drink ek die vlees van die Seun van die mens, Jer 15:16 toe U woorde gevind is, het ek hulle opgeëet, en U woord was vir my ‘n vreugde en vrolikheid vir my hart want u Naam is oor my uitgeroep, Here, God van die leërskare! (dit laat my dink aan iemand wat aan die wedloop deelneem en dit lekker vind) Pasop dat jy nie manna en Brood verwar nie – Manna se oorsprong is om die vlees te versadig dit hou nie dis vir nou nie vir ewig nie. Die vreugde van die wedloop le in die eet van die lewende Brood, dan hoor jy persoonlik by Hom, dan word jy persoonlik deur Sy Gees oortuig en dan word jou ou gedagtes deur sy Gees verplaas en opgevul met Sy lig en lewe. Dan verdwyn die laste en die sonde wat jou so maklik omring en ekstase, opwinding en lewe breek deur.

"Dié geloof" (Heb 11:1) is God se geloof in ons as mens en sonder Dié geloof: (Heb 11:6) is dit onmoontlik om waardigheid sy sin te gee!!! Dit is liefde in aksie!!!

Drink jy melk of eet jy steak? Kan jy op jou eie geestelike voete staan, of is jou dieet nog steeds melk instede van steak ? Is jy aktief in jou geestelike grondgebied of moet ander mense die water vir jou roer voordat jy by God kan hoor. Die verantwoordelikheid om voorentoe te beweeg en konstant te groei in jou geestelike lewe is jou eie verantwoordelikheid. Is jy ‘n lamp of ‘n springkaan in die grondgebiede waar God jou geplaas het. Gary Oliver sê in sy een liedjie: We are here to take over - Not here to take sides – We here to take over – No room for compromise. – Taken authority – Taken over – Kingdom authority – It’s a whole new way of living – A whole new way of life - Walking is the spirit -Walking in the light….. Neem ons outoriteit daar waar ons is, of moet ons nog kies aan watter kant van die draad ons staan. Ons is daar om oor te neem as gevolg van ons Goddelike outoriteit en nie te “Compromise nie” Hoor ons al self by God of is dit gemakliker om Sondae te sit en “idle” terwys iemand anders by moet hoor en oordrae aan ander. Mother Terasa het gesê “Do good. Give the world the best you have and it may never be enough. Give your best anyway.” As jy jou wandel inpas met jou stand kry hoef jy nie meer jou gedrag te modifiseer by ander nie. Dit sal vanself in plek val en dan raak jou geestelike geur vir ander so, dat dit hul na jou toe aantrek. Jy raak die lamp wat nie onder ‘n maat emmer geplaas is nie.

Paulus se uitnodiging is dat ons opwaarts aanpas in ons geeslewe en om nie tevrede te wees soos so baie kinders van die Here om net ’n kaartjie hemel toe te hê nie. Om in die Gees te wandel is veel meer. Dit is om die deur oop te maak – sodat Hy nie meer hoef te klop nie – sodat die salwing van God se Gees deur my kan spoel!

In die volheid van die tyd is Christus deur Vader gestuur om elke mens se leuen-geskiedenis en leuen-identiteit te kanselleer en vir elkeen die volle losprys te betaal. Jesus is Vader se openbaring van Sy kennis en waarderings-liefde van elke kosbare verlore seun en dogter. Die mens se Christus-verlossing is die openbaring van Vader se ewige skeppingsdoel vir die mens om in sy ware 'seunsskap-identiteit' - in dieselfde verhouding wat die Seun met Sy Vader het en wat Vader met Sy Seun het - konstant, hier op aarde te leef! Vader en Sy kosbare kinders geniet en waardeer mekaar en vind vervulling in mekaar.. In Christus-liefde is ons vir mekaar lief met Sy liefde en almal weet ons is Christus-dissipels! Die ewige heerlikheid van Christus, Seun-in-Vader en Vader-in-Seun, is nou ook ons heerlike eenheid en 'Ewige heerlikheid' - ons-in-Christus in die hart van Vader en Vader-in-Christus-in ons! Dan weet almal dat Vader Sy Seun as Verlosser van en vir almal gestuur het! Met die onweerstaanbare liefde-natuur van Vader in ons harte vir almal, het ons almal lief! In die liefdesdrang van Christus, die EEN SEUN, in wie ALMAL verteenwoordig is, wie die doodsvonnis vir almal betaal het, sien en waardeer ons geen mens meer volgens sy Adam identiteit of rekord nie! Aan die EEN Kruis is die skuldrekord van ALMAL uitgewis. Elkeen se Adamnatuur is gestraf en het in Christus gesterf en is begrawe. In Christus se opwekking was ons ook ingesluit en is ons saam met Hom lewend gemaak, saam opgewek en saam, terwyl ons nog op God se aarde is, sit ons in Christus in hemelse plekke aan regterhand van Vader! Die Woord/Logos het vlees geword in die baie seuns en dogters wat 'net uit God gebore is' en die 'vol van genade-en-waarheid-heerlikheid' word nou sigbaar en hoorbaar en tasbaar oor God se hele aarde en God se profetiese woord word vervul dat die 'aarde sal vol wees van die heerlikheid van die HERE en die intiem persoonlike kennis van die HERE soos water die see oordek.... Die skepping se geregverdigde verwagting word vervul omdat 'Seuns van God' in hul 'ABBA-VADER' verhouding, gelei deur Heilige Gees, Christus gestalte laat kry, en SY gebed in vervulling laat kom - "ONSE Hemelse VADER, U NAAM is Heilig, U Koninkryk het gekom, U Hemelse Wil Geskied op U Aarde... Elke oog sien, elke oor hoor en elke knie buig voor U, aan Wie behoort alle gesag in hemel en op aarde"!