Die onstaan
van die gemeente het gegroei uit die openbaring van die Geregtigheid van
God, die implikasies van die volledige offer wat die Seun van God
namens en vir die mens gebring het. Dit verduidelik dat ‘n liefdevolle
Hemelse Vader, Sy liefdesskepsel, die mens so lief gehad het dat Hy Sy
Seun gestuur het om die onreinheid en met wat sonde gebring het te kom
uitwis sodat God en mens weer in die vrymoedigheid van onskuld
verhouding kan hê.
Die GOEIE
NUUS is so aangrypend dat die behoefte ontstaan het om dit met soveel
mense as moontlik te deel. Die godsdienstige mens is egter deur geslagte
se oorlewering oortuig dat die mens, na die opstanding van Jesus,
steeds sondaar gebly het voor God. Godsdiens is immers grootliks gebou
op die sondaarskap van die mens!
Met ‘n naweekkamp is daar geleentheid
om oor 7 sessies God se droom en die volle waarheid van Golgota,
sistematies in volgorde te verduidelik en uiteen te sit. Dit gee elkeen
geleentheid om die vrae te vra waarvan soveel geglo het dat daar nie
antwoorde voor is nie, en om geleentheid te kry om die ‘anderkant van
die muntstuk’ te sien en uiteindelik ‘n ingeligte besluit te neem oor
wat hy/sy glo!
Die kampe
daag oorlewering uit met God se Woord: “Daar is geskrywe” in die konteks
van ‘n Nuwe Testament. Dit is Woordkampe! Die klem is op die Woord en
die ontdekking en ontwikkeling van ‘n vrymoedige verhouding met Hom! Dit
volg dat die oorgroote meerderheid van mense wat aan die Goeie Nuus
blootgestel word, aanklank daarby vind en met die boodskap begin
saamvloei.
Die kampe gee
geleentheid vir die uitgebreide familie buite Vaalharts om gereeld
bymekaar te kom vir broederskap en bevestiging. Terselfde tyd gee dit
vir elkeen die geleentheid om iemand saam te nooi en bloot te stel aan
die Goeie Nuus wat elke keer weer opgesom en deurgetrek word vanuit ‘n
nuwe invalshoek én met die nuwe openbaring daarin wat God intussen deur
Sy Gees aan ons toevertrou het.
Die kampe word hoofsaaklik aangebied deur ondergenoemde sprekers, maar ons gebruik gereeld ander persone ook wat in eenheid met die boodskap is.
Jan en Henda is deur God gebruik om die gemeente vanuit die boodskap van God se Geregtigheid te plant, 30 jaar gelede. As herderspaar is hulle vir die afgelope 30 jaar in bediening betrokke. Jan het intussen verskeie boeke geskryf en hy en Henda bedien gereeld by seminare, kampe en geleenthede regoor Suid Afrika en in die buiteland. (Jan is ‘n Veearts van professie en boer ook deeltyds)
Riaan en Melinda is produkte van die kampe en is die afgelope 15 jaar saam betrokke in die reël en organisering van kampe. Hulle tree ook as sprekers op by seminare en kampe landswyd en in die buiteland. Hulle is terselfde tyd herderspaar van ‘n soortgelyke gemeente wat onder hulle bediening ontstaan het in Heidelberg, Gauteng. Riaan is in die staalkonstruksiebedryf en boer deeltyds.
Piet en Drienie is van Welkom waar Piet vir jare in mynbou betrokke was.
Nadat Hy ‘n ontmoeting met Jesus Christus gehad het, het hy ook ‘n kamp
bygewoon en ingekoop in dié Goeie Nuus. Hy en Drienie is al die
afgelope 15 jaar integraal deel van die aanbieding van die boodskap op
kampe. Piet se aanslag is prakties. Hy praat die manne se taal en is ‘n
gesogte geleentheidspreker regoor die land en in die buiteland!
(Piet Jacobs 13
Junie 2021 oorlede)
Johan het
jare diens as skoolhoof en is tans lewensafrigter, spreker en motiveerder.
Ronel-marie
is ook ‘n onderwyseres en ook eienaar van ‘n kwekery.
Albei het
‘n passie vir die woord en vir mense, veral kinders en is saam betrokke in
gemeentebediening