23-06-2019
Om die boek Jesaja ( die Bybel in die kleine) te verstaan het ons nodig om die reëls vir skrifuitleg noukeurig te volg.
1. Die onbesproke, onveranderlike karakter van God wat liefde is.
2. Die konteks van die kruis en die opstanding van Jesus Christus.
3. Die konteks van die spesifieke skrifgedeelte.
16-06-2019
God se hart is om die saak uit te maak. Dit wat nie uitgemaak/gepraat is nie bly in die lug hang. Erkenning is nodig om te kan herstel, nie die smerige detail van die oortreding nie.
09-06-2019
Jesaja se roeping spreek in die eerste plek sy spraak aan.
02-06-2019
Die profete tree op in die tye van die Israel en Juda konings. Hulle, en die volk luister nie, hoor nie en die einde is ballingskap. Die profetiese woord gaan elke keer terug na Jesus en Sy oorwinning oor sonde. Hy is net so relevant vir ons as destyds vir Israel. Dit pas ons dus om aandag te gee sodat ons lewens en verhoudings nie ook in ballingskap eindig nie.
26-05-2019
Hosea - die Here verlos speel die rol van Jehoshua (Jesus) as die man wat met 'n straatvrou in die huwelik tree, Sy naam oor haar uitroep, haar versorg en gaan terugkoop selfs nadat sy weer gaan hoereer het en in slawerny verval het. Hosea is die openbaring van God as die ewige Minnaar se liefdeshart en die emosie wat as gevolg van onbeantwoorde liefde ook in God afspeel.
19-05-2019
Wie is God vir jou....vir jou of teen jou....Thanos of God?
In 'n wêreld waar God so baie misverteenwoordig word het die tyd aangebreek dat ons 'n keuse moet maak oor wie God vir "my" is....Die keuse/siening wat ek koester aangaande God, het 'n direkte uitwerking op my identiteit, waarde en gesag.
12-05-2019
Ondersoek jou geloof, maak klaar met die ban van godsdienstigheid. Al is dit hoe klein, 'n ban bly 'n ban. Dit laat 'n bedekking wat jou beroof van die lewe wat daar in Christus Jesus is.
05-05-2019
Joel waarsku soos die ander profete teen die gevolge van sonde. Die volk kies om nie te luister nie, maar God ywer vir Sy volk en verskoon hulle. Joel kondig die koms van die dag van die Here aan - die dag waarop Hy die Leraar tot geregtigheid (Heilige Gees) stuur en die fout van Adam sou omkeer! Ons leef in die dag van blydskap!
28-04-2019
Sal twee met mekaar saamwandel tensy hulle eers afgespreek het?
Amos sien die 'onsienlike'. Hy waarsku Israel en sy bure - die vyande wat hulle sou wegvoer in ballingskap ook oor die verwoesting wat goddeloosheid se einde is. God se uiteindelike droom bly egter onveranderd - uiteindelik wil Hy seën. Ons afspraak om met Hom saam te wandel is ons lewe en beskutting!
21-04-2019
As ons erkenning gee aan Gemeente en aan die uitspraak van God se Gees in/aan die Gemeente is dit gepas om te let daarop wat ons hoor en hoe, met watter gesindheid ons hoor.
Of ons regtig gehoor het sal weerspieël word in ons wandel (optrede). Dan manifesteer ons die profetiese (Elia) gesag. Die profete het 'n ingestelde oor gehad, dit het ook hul oë geopen om die onsienlike te sien, vergelyk Elisa by Dotan. Gesag lê juis daarin dat ons sien soos wat God sien.
