Vrede Nuwe Testament is meer as net God se seen en alles wat daarmee saamgegaan het in die Ou Testament. Die woord vir vrede is "eirene" wat beteken: om te verbind of by mekaar te voeg! Ons is geroep tot vrede- tot gemeenskap met Sy Seun! 1 Kor 1:9. Die vyand kompeteer met God se Gees vir ons. Die gesag wat God in ons guns laat werk wil die vyand teen ons gebruik! Waarvoor en deur wie laat ons, ons gebruik? Deur te beskuldig waar God reeds vergewe het word ek 'n werktuig van ongeregtigheid. Ek kan egter myself in diens stel van geregtigheid!

God se goeie droom vir ons lewens is seker. In praktyk manifesteer dit egter nie altyd so nie! Ons het oortuiging (geloof) nodig om die beloftes te realiseer in ons lewens. Die NT gesag lê in die vryheid van keuse - daarvoor is tyd nodig - ook vir die wat met ons saamleef. Wat doen ons intussen - tussen die aanvaarding van die belofte en die uiteindelike manifestering daarvan in ons lewens!

Geregtigheid is ons toegang deur vrymoedigheid tot intimiteit met God. Soos Esau kan dit gebeur dat óns onbewustelik ook ons eersgeboortereg verag!

Die saailand is God se geskenk van geregtigheid. Die skat is intimiteit met God. Geregtigheid se waarde lê in intimiteit!

Koninkryk beteken gesag(orde) wat vloei uit 'n onbelemmerde verhouding met God se Gees in ons. Jesus verduidelik met gelykenisse hoe die kinders van die koninkryk gesag uitoefen op aarde.