God se beloftes (soos beskerming) is beskikbaar deur Jesus se opstanding (2 Kor 1:20) Om die beloftes (WOORD) te laat realiseer (WOORD WORD VLEES) het ons nodig om Geestelik aangeskakel te wees. Daarvoor is die Geesmens se aktivering noodsaaklik.

Hoe ontvang die hoorder die prediking? As woorde van menslike wysheid of Gees en krag? Eersgenoemde hoor die woord as vleeslike mens en beoordeel dit vleeslik. Laasgenoemde ontvang dit as Gees in die geesmens as Gees en krag. Ons het elkeen 'n konfrontasie nodig waar die vleesmens ingeruil word vir die geesmens.

Die rus van die Here God rus nie omdat Hy moeg is nie. Hy rus in stil tevredenheid oor die mens - die volkome herstel wat Sy Seun met Sy offer gebring het. Om in Sy rus te wees is om soos Hy oortuig te wees - van die volle som van Sy gedagtes aangaande die potensiaal vir goed in elke mens.

Wie is ek? en wat maak ek hier? Twee vrae waarmee jy jouself een of ander tyd behoort te konfronteer. Die doel hiermee is nie om ou koeie uit te grawe nie maar om toe te laat dat God deur Sy Gees jouself persoonlik sal wys wie jy is en wat jy hier maak. Konfrontasie gebeur net wanneer jy jouself beskikbaar stel en vir die feesmaal opdaag. Face tot face om die tafel sit en jou hart met Vader deel. Hy is besonder goed om te luister en Sy terugvoering oortref elke verwagting wat die mens ooit oor homself sou koester. Wie is ek? - Kind van God. Nie omrede ek Hom as Vader aangeneem het nie, maar omdat Hy my reeds van die begin af as kind in Sy Seun ingereken het. Wat maak ek hier? - Ek is 'n demonstrasie van Sy Heerlikheid en die ewige lewe 'n brief wat deur almal gelees word.