die goeie nuus

GENADE Genade is God se onverdiende guns waarmee Hy vir ons geregtigheid voor God verdien het. Ons kan dus sê: Geregtigheid is die gawe van God se genade. Maar: Geregtigheid (genade) is nie redding nie. Redding is wanneer ek die gawe van die genade deur geloof omhels! Ek kan die genade verwerp, dit tevergeefs ontvang, daarin veragter, dit verander in ongebondenheid of selfs verag of smaad, of ek dit omhels en die volle som en betekenis daarvan beleef - in lewe en in sterwe.

VERHOUDING DEUR GEREGTIGHEID (2) (GOD;SELF;WÊRELD) SELF Die beeld in jou spieël is nie die somtotaal van jou verlede en persepsies nie, maar van God se Waarheid oor jou. Kyk mooi, sien soos Hy sien en omhels die Waarheid as jou identiteit.

DIE VOLLE SOM VAN GOD SE GEDAGTES (Ps 139:17) Soos 'n tennisspeler soveel ure per dag spandeer aan repitisie om voetwerk, houe en plasing te vervolmaak, so het ons die geleentheid om ons in te skerp in Sy Woord tot die volle som van Sy gedagtes. Dit wat ontbreek uit die volle som in ons lewens beroof ons van daardie fassette van die oorvloedslewe.

DIE NUWE EN LEWENDE WEG! Die oorwinningslewe vloei vanuit die troonkamer (die intieme teenwoordigheid met die Gees van God). Die verlore mens het deur Jesus se offer 'n nuwe toegang tot die teenwoordigheid - Sy vlees wat een finale en permanente offer is teenoor die herhaling van die offers van diere onder die Ou Verbond. Maar ons het nodig om weer en weer bewustelik Sy teenwoordigheid op te soek. Daarsonder begin die afval wat uiteindelik lei tot die onreg en chaos wat ons in die wêreld van vandag sien.

DIE GOD WAT ONS AANBID-OM HOM TE KEN (JOHAN PIENAAR) 'n Eerstehandse, persoonlike verhouding waarin jy Hom tasbaar kan ervaar is jou deel.