die goeie nuus

Dawid- keuse oorsaak en gevolg. Dawid se lewe word gekenmerk deur hoogte en laagtepunte. Eg. spreek vir hulleself, die laagtepunte en Dawid se vermoë om daaruit op te staan is inspirerend. So tree Dawid in sy boetepsalm (51) eintlik op namens die mensdom en word sy lewe 'n profetiese beeld van die Gemeente.

Saul, die man met 'n verdeelde hart. 'n Verdeelde hart is wat die volk 'n koning laat begeer, net soos in Moses se tyd met die wet. God antwoord hulle na hul drekgode (Eseg 14:4) en gee vir hulle 'n koning na die vlees. Saul, kop en skouers bo die res maar met 'n hart wat nie op God gerig is nie. So verloën en verloor hy die geskenk van salwing en gesag wat God hom gegee het.

God se gedagtes was van die begin af onveranderd. Adam het uit die verhouding uitgestap en vandaar die gaping - "My gedagtes is nie julle gedagtes nie... so hoog soos die hemel bo die aarde" God stuur Sy Seun - Sy gedagte/woord word vlees. Hy kom oorbrug die gaping - soos ons in Adam gesterf het, is ons vir die laaste Adam lewend gemaak. Ons is nou gesete in hemelse plekke - Ons gedagtes behoort ook hier! Selfs onder die ou verbond vind ons mense met onverdeelde harte wat die gaping deur Adam gelaat kan oorbrug. Een so 'n voorbeeld was Hanna die moeder van Samuel wat vanuit die verhewe posisie profeteer op Jesus Christus!

Ons almal word gekonfronteer met "hongersnood" - die probleem met baie gesigte, veral waar gesag rondlê. Ons word dus beweeg deur vrees of vrede! Ons het die vrede nodig wat die verstand te bowe gaan. Rut is die pragtige voorbeeld van iemand wat vir die regte rede emigreer. "U God is my God" - so vind sy dan ook haar bruidegom - die beeld van Christus en Sy gemeente.

Nuwe Testamenties is almal van ons potensiële rigters! Gideon se sukses was sy intimiteit met God wat hom onder andere in staat gestel het om van die afgode in sy eie huishouding ontslae te raak. Dit het hom aanvanklik baie onpopulêr gemaak, maar later sy leierskap bevestig. Ons gesag word weggevreet deur die "afgode" - hoe verskans ookal, waarmee ons nie bereid is om te deel nie.