Ons is erfgename van die oorwinningslewe - maar leef ons dit? Baie gelowiges het 'n verbond met die dood (vormloosheid, 'n substandaard lewe) i.p.v 'n verbond met God rakende my verhouding en wandel met Hom.

God se tugtiging (onderwysing) verander nie ons stand voor God nie. Dit is eenmalig vasgelê deur die offer van Jesus. Tugtiging gebruik ons stand om ons wandel daarmee op te lyn. Dit is in die wandel dat gesag finaal bevestig word. Om tugteloos (sonder die konstante inspraak van die Woord) te wees sou my kon stroop van gesag omdat my wandel en stand nie ooreen kom nie.

Sonde (ha+meros) = verlies aan vorm – die vorm van gesag waarin God die mens aangestel het. Jesus het sonde geword sodat ons kon word Geregtigheid van God in Hom. (2Kor 5:21) Geregtigheid gee ons ‘n stand om in vrymoedigheid weer met Hom te wandel! Geregtigheid (stand) + wandel = gesag!(alle mense is regverdig gestel in Jesus Christus, (Rom 5:18) maar nie almal het gesag nie. Gesag kom uit die wandel in geregtigheid! Volhoubare wandel ontwikkel uit die ontdekking van ons nuwe ID. Dit is die klem van ons prediking! Dit laat die mens toe om te kies en volgens die keuse op te tree! Geen dreigemente of straf! Dit is die bediening van die Nuwe Testament Of: Mens sou kon terugkeer onder die Wet met vrees vir straf en vinnig die dissipline herstel/vestig! Dit is Ou Verbond prediking. Maar laat NT prediking die gemeente dan tugteloos?Teregwysing en onderrig (tugtiging) is essensieël deel van NT prediking!

Om te kan onttrek uit God se ruim voorsiening vir elke fasset van 'n oorvloedslewe moet ek my PIN nommer (geestelik) ken en onthou! Onthou: As selfs een van die karakters verkeerd is, kan ek nie uit my rekening onttrek nie.

Die openbaring van die karakter en gesag van die Naam kan vir ons die verskil beteken tussen lewe en dood; seën en tragedie; voorspoed of ongeluk. Sy Naam aktiveer die Engele tot ons beskerming, maar dit is méér as net die gebruik van die Naam...