Die eerste 39 hoofstukke handel by herhaling oor 'n minderwaardige volk wat volgens sy eie m/ waardigheid wandel.Israel was "God se volk" maar het nie volhoubare oorwinning geken nie. Slegs intimiteit vestig oorwinning. Minderwaardigheid is so sterk dat dit my teen my eie mense sal draai. Dit loop hand aan hand met vrees. Dis waarteen God profeties waarsku. Uiteindelik is die enigste oplossing vir die mens God se ingryp. Met elke vemaning kom die belofte van Sy herstel- plan.

God se hart is om die saak uit te maak. Dit wat nie uitgemaak/gepraat is nie bly in die lug hang. Erkenning is nodig om te kan herstel, nie die smerige detail van die oortreding nie.

Die profete tree op in die tye van die Israel en Juda konings. Hulle, en die volk luister nie, hoor nie en die einde is ballingskap. Die profetiese woord gaan elke keer terug na Jesus en Sy oorwinning oor sonde. Hy is net so relevant vir ons as destyds vir Israel. Dit pas ons dus om aandag te gee sodat ons lewens en verhoudings nie ook in ballingskap eindig nie.

Wie is God vir jou....vir jou of teen jou....Thanos of God? In 'n wêreld waar God so baie misverteenwoordig word het die tyd aangebreek dat ons 'n keuse moet maak oor wie God vir "my" is....Die keuse/siening wat ek koester aangaande God, het 'n direkte uitwerking op my identiteit, waarde en gesag.

Joel waarsku soos die ander profete teen die gevolge van sonde. Die volk kies om nie te luister nie, maar God ywer vir Sy volk en verskoon hulle. Joel kondig die koms van die dag van die Here aan - die dag waarop Hy die Leraar tot geregtigheid (Heilige Gees) stuur en die fout van Adam sou omkeer! Ons leef in die dag van blydskap!