Om Jesus te volg is 'n belewenis, veel meer as Kerk toe gaan; Bybel lees; bid & Hemel toe gaan. Dis ook veel meer as Godsdiens, want Godsdiens is wat ek vir God moet doen, en ek sal altyd twyfel of ek genoeg gedoen het, terwyl die Evangelie is wat Jesus vir my gedoen het, en dit wek geloof in my hart op. Hierdie ontdekking het gemaak dat ek 'n kopskuif moet maak en dit beteken om my denke te vernuwe (Rom 12:1 & 2) Hierdie kopskuif het my die skat laat ontdek, ( Mat 13:44 ) en dit was maklik om alles te los waarmee ek grootgeword het (Godsdiens) en hierdie skat van die Koninkryk te koop. Hierdie ontdekking het my verder gevat na 'n BELEWENIS met God, bv om met God wakker te word in die mõre en dat Rom 14 :17 meer is as 'n teksvers. Onthou geen belewenis sonder 'n ontdekking nie!